][ياصانع المكياج الله يجازيك ,,خليتني مخدوع بشكل خلي ][

ياصانع المكياج الله يجازيك**خليتني مخدوع بشكل خلي ,,

الله يحرق مصنعك مع مبانيك **والمعرض الموجود في بيكاديلي ,,

ادعي عسى تعمى وتنشل رجليك**هذا دعائي دوم لاجيت اصلي,,

خليتني اركض ورا البنت هذيك **وشوفها اجمل غرام حصلي ,,

قلبي عشقها ياحبيبي توماتيك **وان شافها قلبي يرحب يهلي ,,

هي رحبت لي وقالت الله يحييك **وقالت هلا باللي عشق زين شكلي ,,

وقالت انا اجمل بنت من اللي حواليك **شف حسني الاخاذ وروجي العسلي,,

طالعتها ثم قلت القلب يبغيك **ومن شاف حسنك خله غيرك يولي,,

ابغي اشوفك دون مكياج يكسيك **وابغى اشوفك بالجمال المحلي ,,

قالت تبيني افرك الوجه تفريك **وشيل هالبودر وروجي وكحلي ,,

قلت اي نعم قومي عسى الروح تفديك **ابغى جمالك هالطبيعي يهلي,,

قالت دقايق راجعه لك واراويك **ذاك الجمال اللي لعينك يسلي ,,

ويوم رجعت شربكتني شرابيك**وحسيت الارض تدور وانا بمحلي,,

الخد كنه ياحياتي سيراميك **والوجه شارع مثل شارع حولي ,,

الوجه كنه بيت كله شبابيك **من هالحفر في وجهها اللي يعلي ,,

كله سبب مكياجك الله يجازيك **خليتني مخدوع في شكل خلي,,,

ونصيحتي لكل شاب من غير تشكيك**لا لا تسرع ثم تنغش مثلي ,,

اللي بلا مكياج خلها حواليك **واللي تحط مكياج خلها تولي ,,

"وسلامتـــــكم"